哥迪奥拿 (Pep Guardiola)既球隊設定係後場build up時兩名中堅分別會係 左腳踢左邊 右腳踢右邊，而概念上係要令到中堅由龍門傳岀球時能夠open身體盡以far foot去攞波，務求用得盡兩名中堅既視野，呢個偏執令到曼城必須要有Ake Laporte作左中堅Dias Stones作右中堅，極端既平衡。
而姑勿論後期以1-3-2-4-1既設置，3入面既左右兩名中堅，都係盡可能一左腳一右腳，與門將 艾達臣 （Ederson）形成一個菱形。
當理解到左右中堅既左右腳對後場build up既動機後，筆者係呢度想提出一個更極端既想法「逆足中堅」。
假設左中堅Ake需要open身體去搵Grealish，對佈防者來講，其實更大既危險會係中路而非邊路，咁Ake既左腳open之後，中路有空間的話，佢既傳球路線相對較窄，思考既前題係「中路較危險」。
如果「逆足中堅」，要球後，更能夠選擇把球傳入中路，又或者運球既空間會更大，什至能夠有斜度去作岀長傳，相對左腳左邊中堅，被對手閘內線後，要以長傳岀球，傳球路線更直，對於翼鋒或前場球員就更難處理。
假設Dias係左邊要球，推向內線，佢更可以以外腳右腳選擇回傳比右中堅Ake，咁Ake亦能以左腳透過Dias運球所創造岀身後既空間，傳予左邊線球員。
未知道實際情況處理上，會有一個咩難題會岀現，但先拋下一個題案，讓大家有一個思考同討論既空間。