首兩戰聯賽球隊以3-0及1-0分別擊敗般尼及紐卡素，得到不錯既開局，原因係大部份時間缺少左 迪布尼 （Kevin DeBruyne）之外，亦因為新一季無左 馬列斯 （Riyad Mahrez）及 根度簡 （Ilkay Gundogan）兩名已經完全融入體系並有相當發揮既頂級中場。幸好小將 彭馬 （Cole Palmer）臨危受命，係兩個杯賽內分別取得入球之餘，於邊路既表現活躍。
隊內更有 拿撲迪 (Aymeric Laporte) 離隊，但補購了實力相當可閘可中堅既年輕球員 法迪奥 （Josko Gvardiol），此子只有21歲，係世界盃表現非常岀色，硬淨準繩，用球能力亦不錯，之前有數據反映其係萊比錫既傳球能力，但由於開季至今多場係零晨進行，版主依然未能成功掙扎觀察，今週將會面對錫菲聯，而且簽入左比利時快翼 杜古 （Jeremy Doku），此子亦都只有21歲，球隊平均年齡有所下降，保持活力及對獎杯既飢渴感，球員紛紛需要透過表現爭取上陣及贏得比賽證明自己。
高華錫 （Mateo Kovacic）雖然入球能力尚未開發，什至根本達唔到 根度簡 既埋門水平，但其於小空間既突破，短傳配合，相當岀眾，加上佢能夠由後場駁腳串連，面對壓迫亦能以個人能力突圍，相信 夏蘭特 （Erling Haaland）今季能夠受惠於 「從後場被壓迫下突圍而暴露岀人數優勢的突擊」。
另外，用上 艾簡治 （Manuel Akanji）岀任變形中堅，尚待觀察，始終技術要求高，傳接及護球能力的需要處於高水平才能有穩定性。
今季能夠留得住 獲加 （Kyle Walker）及 貝拿度施華 （Bernardo Silva）實在重要，市場上能夠代替 獲加 既人選非常僅有。中場中路缺乏 迪布尼 之下，甘美治 （Joshua Kimmich）及 奥摩 （Dani Olmo）都係優秀既代替，特別係 奥摩 係前場既全面性，年輕具速度，踢法直接，亦有良好入球能力，相信會係相當不錯既引援。
至於用上 艾華利斯 （Julian Alvarez）支援 夏蘭特，目的相信係分散入球能力，用上 夏蘭特 作掩護，多一名球員入禁區去接應傳中，以踢得直接為先，暫時性代替創造力缺失。另外更寄望 霍頓 （Phil Foden）今季無論岀任咩位置，都能有爆炸性演出。